GEHIKOOP: Gizarte Eraldaketarako Hezkuntza InterKOOPeratiboa. Kooperatibetan tokiko global ikuspegia txertatzeko ibilbidea

Proiektuak, Arrasateko Kooperatiba Esperientziaren (AKE) inguruan ematen ari den Gizarte Eraldaketarako hausnarketa eta eginbideetan, Tokiko global begirada txertatzea du helburu, betiere genero eta ingurugiro ikuspegitik, Gizarte Eraldaketarako Hezkuntzak propioak dituen metodologia eta bestelako begiradak oinarri hartuta eta hegoalde geografiko zein globaleko agenteekin elkarlanean.Horretarako hiru emaitza aurreikusten dira; Batetik, gizarte eraldaketan dabiltzan kooperatibetako 5 talde eragileentzat bi urtetako ibilbidea proposatzen da. Bestetik, hezkuntza kooperatibetako ikasleen profilean solidarioa, tokiko global begirada kritikoa eta ekintzailea duen pertsona garatzeko baliabideak sortu eta zabaltzea eta azkenik, elkartrukearen bitartez, hegoaldeko eta begirada globala eman dadin bermatuko duen sare anitza sustatzea eta egindakoa gizarteratzea.