Zarauzko Udala

Zarauzko Udalak urteak daramatza Garapenerako Lankidetzan lanean, beti ere herriko elkarteen sare solidarioarekin elkarlanean eta koordinatuta. Batez ere bi printzipioetan oinarrituta:

1. Justizia sozialeko kontu bat da lankidetza, berdintasunean eta tolerantzian oinarritzen diren elkarbizitza baketsurako baloreak sustatzen ditu, eta horrek aukera ematen du Iparraldearen eta Hegoaldearen arteko harremanen egitura aldatzeko, betiere pertsona guztientzat giza-garapen jasangarriaren ikuspuntutik abiatuta. Atzerrian ez ezik, bertako herritarren artean ere sustatzen dira balio horiek, eta horrek lagundu egiten du munduan dagoen desberdintasun sozialari buruzko hausnarketa kritiko bat egiten.

2. Zeregin hori herriko elkarteen sare solidarioarekin elkarlanean egiten du Udalak.