Sahararrentzako elikadura-segurtasunerako estrategia

Tindufen (Aljeria) errefuxiatuta dauden sahararren elikadura-segurtasunerako estrategia babestea da esku-hartzearen helburua. Elikagaien krisia behin eta berriz gertatzen da kanpamenduetan, eta hainbat arrazoirengatik areagotu egiten da. Proiektua lau emaitzen inguruan egituratzen da. Lehena eta nagusia diruari dagokionez – egoera kalteberenean dauden 133.672 pertsonek ( % 61 emakumeak) jasotzen duten elikagaien oinarrizko saskian laguntzea du helburu –; bigarren emaitza moringaren kontsumoa sustatzeko material didaktikoak egitea izango da, eta hirugarren emaitzarekin, kontsumoa sustatzeko programa bat egingo da. Azkenik, laugarren emaitzarekin, Saharako herriak dieta hobetzeko dituen sorkuntza-ekimenak aurkezten zaizkie euskal herritarrei.

Proiektuaren tokiko bazkideak hauek dira: Saharako Ilargierdi Gorria (partzuergoko burua) eta Saguia El Hamra eta Río de Oroko Gazteen Batasuna (UJSARIO).