Genero indarkeria jasandako emakumeen arreta integrala (Peru)

Loretoko departamendua Peruko ipar-mendebaldean kokatuta dago, Amazoniako eskualdean, eta herrialdeko departamendurik handiena ez ezik nazioarteko muga gehien dituena da. Bere kokapen estrategikoaren ondorioz, etnia dibertsitate handiena duen herrialdeko lurralde indigenetako bat izaten jarraitzen du.
Genero indarkeria arazo handi bat da Peru osoan. Landa eremuetan, indarkeriako gertaeren larritasun objektiboari gehitu behar zaio, estaldura nahikorik ez izatea biktimentzako zerbitzuetan, indarkeriako jokabideak onartzen dituen giro soziala, eta agintarien sentsibilizazio eskasa neurri zuzentzaileak ezartzeko.
Duela bi urteko aurreko fasearen estrategiarekin jarraituz (zeinetarako batu baitziren Gipuzkoako eta Bizkaiko foru aldundien baliabideak), proposamen berri honetan lan eredu bateratu bat finkatu nahi da, Iquitoseko eremu marjinaleko genero indarkeriaren arrazoiak eta ondorioak murrizteko.