Etiopiako emakumeen kontrako genero-indarkeriaren prebentzioa, biktimentzako arreta eta ahalduntze ekonomikoa

AECIDek (2021-2022) finantzatutako proiektua gauzatu ondoren, emakumeen aurkako indarkeria kasu ugari azaleratu ziren Zwayn. Proiektuaren lehen fasea arrakastatsutzat jotzen da, arazo hori lehen aldiz ikusarazi zuelako, eta proiektutik esku hartzeko eta salatzeko urratsa eman zuten emakume gazteen bizitza babesten laguntzeko balio izan zuelako. Prozesu osoan agerian geratu zen baliabide finantzariorik eta metodologikorik ez zegoela, eta berdintasunaren eta genero-indarkeriaren inguruan sentsibilizatzen jarraitu behar zela, bai eskolan, bai familian eta komunitatean.

Proiektuaren helburua da, alde batetik, tokiko gizarte osoaren sentsibilizazioa handitzea, emakumeen eta gazteen gaitasunak indartuz, genero-indarkeriako egoerak hautsi ahal izateko hartara; eta, aldi berean, irakasleak eta toki-administrazioak sendotzea, denek bat egiteko arazo horren aurrean.