Oporrak Bakean 2023

Oporrak Bakean Tindoufeko (Aljeria) kanpamentuetan errefuxiatuta bizi diren haur sahararrak aldi baterako hartzeko programa da. Harrerak bi hilabetez egiten dira udan. Programaren helburua da adingabeek kanpamenduetan bizi dituzten baldintza gogorrak arindu eta sahararren egoera ezagutaraztea. Egonaldian azterketa medikoak jasotzen dituzte, era askotara elikatzen dira eta, batez ere, basamortuan bizi ez den beste ingurune bat ezagutzen dute. Bizikidetza horretan sortzen den truke kultural eta estua aberasgarria da
bi aldeentzat.

Harrera-familiak bilatzeko, programa zabaltzeko kanpaina bat egiten da. Ondoren, informazio- eta balorazio-bilerak egiten dira interesdunekin. Harrera garaian laguntza eta aholkularitza eskaintzen zaie bai harrera familiei bai adingabeei. Zehazki, 2022an 8 eta 12 urte bitarteko sei adingabek parte hartu zuten.