Etxeko emakume langile migratuekin esku hartze integrala, Gipuzkoan

Proiektua Gipuzkoako hainbat herritan garatuko da, eta aurrez aurreko lana Errenterian eta Donostian egingo da. Gipuzkoako SOS Arrazakeria elkartearen aholkularitzaren bidez artatutako etxeko langile eta zaintza lanetan ari diren emakume migratuen kopuruak gora egin du urtetik urtera horiekin lanean hasi zirenetik, eta gaur-gaurkoz 900 emakume baino gehiago dira. Funtsezko tresna da haien eskubideak ezagutzeko eta defendatzeko. Azken hamarkadetan, mundu osoko aldarrikapen feministek ohartarazi dute krisi sakona dagoela zaintzan, lanaren sexuaren araberako banaketan, pobreziaren feminizazioan eta migrazioetan, baita patriarkatuaren erresistentzietan ere, eta indarkeria matxista mota desberdinetan adierazten dela. Diskriminazioa eta tratu txarrak jasaten dituzte sarri, eta ondorioak ekartzen dizkiete, depresioa, migrainak eta antsietatea izaten baitituzte. Beti legezkoak ez diren lan baldintzak jasaten dituzte, eta kolektibo horrek jazarpen eta diskriminazio egoerak jasatera eramaten dituzte, bai diru sarreren mendekotasunagatik, bai atzerritarrak izatearekin lotutako administrazio egoeragatik. Errealitate horrek guztiak eragin handia du haien ongizate fisiko eta psikosozialean. Horregatik, proiektuak esku hartze sozial komunitario bat proposatzen du, atzerritar jatorriko etxeko eta zaintzako langileen gaitasunak, ahalduntze prozesuak eta sareak eraikitzeko eta indartzeko Gipuzkoan, haien eskubideak defendatzeko eta familia enplegatzaileekin sentsibilizazio lana egiteko, sektoreko lan baldintzak hobetzeko helburuarekin.