Yemayá SAREAK -Mozanbike, 4. fasea

Proposamen hau Yemayá SAREAK-Mozambike proiektuaren laugarren fasea da. Mozambikeko Inhambane probintziako Jangamo barrutiko lehenengo sektorean emakumeen lidergoa eta parte hartze aktiboa indartzeko xedea duen proiektua da. Laugarren fase honen xedea da KHESSANI kooperatibak arrautzak saltzeko merkatua zabaltzea, hegazti haztegia energia berriztagarriko sistemekin egokitzea gizentzeko oilaskoak hazteko erabilera handitzeko, arrantza sektorerako izotza fabrikatzeko eta saltzeko jarduera abiaraztea eta osasuna sustatzen jarraitzea. Aurreko fasean kooperatibako kide kopurua handituta eta hegazti haztegiaren funtzionamenduan eta osasunaren sustapenean eskuratutako esperientziarekin, espero da emakume gehiagok parte hartzea kooperatibaren jardueretan 4. fase honetan, eta horrela emakumeen eta haien familien garapen sozioekonomikoan laguntzea, testuinguru aski prekarioan bizi baitira.