Indar eta talde armatuekin lotutako haurrentzako arreta osoa

Proiektua Ouham, Ouham Pendé, Nana-Mambéré, Ouaka, Basse Kotto eta Haute-Kotto prefekturetan garatuko da. Beharrizanen arabera aldatu ahal izango da ekintza eremua. Herritarren % 50 haurrak izanik, Afrika Erdiko Errepublika munduko txirotasun tasa handienetako bat duen herrialdea da, eta bortxazko desplazamendu tasa handiak ditu. 2015ean gudarosteetatik NNak askatzea eta errekrutatzeekin amaitzea adostu bazen ere, ez dute etenik izan aldian behingo borroka armatuek. NNek talde armatuek errekrutatzeko arriskuan jarraitzen dute, bizia galtzeko arriskuan, mutilazioak nozitzeko eta ekonomikoki eta sexualki esplotatzeko arriskuan. Gainera, erregaien eskasiak eta elikagaien prezioen emendioak okertzen ari dira herritar guztien nutrizioa, osasuna eta egoera humanitarioa. Horren guztiaren erdian, herrialde osoan Desmobilizatzeko, Armagabetzeko eta Gizarteratzeko programa bat garatzen ari da, eta 2023rako dago aurreikusita lehen adierazitako prefekturetan NNak askatzea. Horrexegatik, proiektuaren helburua da talde armatuetatik askatuta dauden baina errekrutatze arriskuan dauden NNen gizarteratze soziala eta ekonomikoa gauzatzeko laguntza integrala eskaintzea.