Klima aldaketak kaltetutako herritarrentzako laguntza humanitarioa eta babesa

Proiektua Niamein garatuko da, herrialdeko hiriburuan eta hiri populatuenean, Niger ibaiaren bazterrean eta Sahara basamortuaren atarian. Klima aldaketaren ondorioz, Sahel eskualdean gero eta larriagoak dira uholdeak, halakoak gero eta gehiago gertatzen dira, bereziki Niger ibairen erdialdeko arroan, hego-mendebaldean (bertan dago Niamei), eta ondorio larriak eragiten dizkiete herritarrei, azpiegiturei, ingurumenari eta ekonomiari, horri guztiari lurraldearen antolamendu eta kudeaketa eza gehitu behar zaiolarik. 2020an herrialde osoan uholde larriak eragin zituzten euri jasak izan ziren: pertsonak hil ziren, materialak eta ondasunak galdu ziren, eta urtegiak eta dikeak suntsituta gertatu ziren. Uholdeek milaka lagunen bortxazko desplazamendua eragin zuten, bizibideen galera eta uraren bidez transmititutako gaixotasunak (malaria eta kolera) eragin zituzten, artean COVID-19a nagusi zen testuinguruan. Niameiko V komunitatea, Hippodrome eta Séno giza egonlekuetan birkokatua, izan zen kaltetuena (gaur egun, 2.040 lagunek jarraitzen dute desplazatuta). Horrexegatik, Hippodromeko 340 familiei laguntza eta babesa ematea du xede proiektuak, eta horientzat irtenbide iraunkorrak bilatzea.