Gambian emakumeen ebaketa genitala saihesteko behatokia eta estrategia berriak: ezagutuz jardun IX

UNICEFen azken kalkuluen arabera, munduan 200 milioi emakumek baino gehiagok jasan dute era bateko edo besteko genitalen mutilazioa, eta urtero 3 milioi neskatila izaten da mutilatzeko arriskuan (UNICEF 2016). Jardute horrek prebalentzia handia dauka Gambian (% 76) (UNICEF, MICS 2010), eta hain zuzen herrialde hori da Espainian bizi diren Saharaz hegoaldeko familia asko eta askoren jatorria.
Gertakari historikoa da Gambiako Gobernuak, 2015ean, herrialdean emakumeen genitalen mutilazioa zigortzen duen lehen legea aldarrikatu izana. Hala eta guztiz ere, Wassu Gambia Kafo (WGK) erakundeak ikusi du ezjakintasun handia dagoela debeku horren zergatiaren eta legezko ondorioen gainean. Gainera, hain errotuta dagoen jardute bat alde batera uzteko, debekatzetik harago, sentsibilizazioa ere behar-beharrezkoa da.

Proiektuaren xedea da trebatzea Gambiako gizartean gako diren eragileak, bereziki arlo juridikokoak (magistratuak, epaileak, FLAG Gambiako emakume legelarien elkarteko kideak), bai eta erizaintza eta emagintzako ikasleak ere, aurrera egin dadin ezagutza katean helarazteko, prebentzio estrategia baten bitartez.