Zuek ez bazatozte gu joango gara

1988an Donostia eta Saharar Errepublika Arabiar Demokratikoko Bojador senidetu zirenez geroztik, Donostiako Udalak hainbat lankidetza eta sentsibilizazio programa ditu abian Saharar Herriarekin. Haietako bat da "Oporrak Bakean" programa, Aljeriako Tindoufeko kanpalekuetan errefuxiatu bizi diren 10 eta 12 urte arteko neska-mutil sahararrei zuzendutakoa.
2020ko udan, aurreikusita zegoen 30 haur saharar etorriko zirela Fronte Polisarioaren bidez uda Donostiako Harrera-familietan pasatzera.
Covid 19ren pandemiak eragindako egoeraren aurrean, haur horiek ezin izan dute gure herrira bidaiatu eta benetako larrialdi egoeran geratu dira, udan 55 gradu baino gehiagoko tenperaturarekin eta neguan oso tenperatura baxuekin eta elikadura eta osasun defizit larriekin.
Proiektu honen helburu nagusia Saharako adingabeek izango dituzten gabeziak murriztea da; izan ere, Covid 19k sortutako egoera dela eta, uda honetan ezin izan dute etorri. Horretarako, iaz adingabe horiek hartu zituzten familia donostiarren artean premia biziko materiala bildu eta bidaliko da.