Darahli 2018

Darahli Elkartearen proiektua Zumaian eta Tindufeko (Aljeria) errefuxiatuen kanpamenduetan gauzatuko da.
Zumaia eta Zug herriak senidetuta daude, eta, Mendebaldeko Saharak bizi duen giza tragediaren aurrean, uste dugu Zumaiako gazteak sentsibilizatu egin behar direla giza eskubideen ga-rrantziaren inguruan.
Hiru proiektu egingo dira Zumaiako gazteekin:
a) 2017-2018an, sentsibilizazio lan bat egin da Zumaiako ikasleekin Mendebaldeko Sahararen errealitatea hobeto ulertzeko (ikasmateriala, elkartasuneko astea, janari bilketa, laguntza hu-manitarioa, Bakeleku udalekua,…).
b) Ondoren, 2018ko martxoan, Mendebaldeko Saharak bizi duen errealitatea zuzenean ezagu-tzeko, Zumaiako gazteak elkartasuneko bidaia egingo dute Tindufeko errefuxiatuen kanpa-menduetara, eta han, Zug herriko gazteekin batera, proiektuak bultzatuko dituzte.
c) Bakeleku proiektuak, “Bake oporraldiak” programaren bidez, errefuxiatuen kanpamenduetan bizi diren 30 haur saharar atera nahi ditu basamortu gogor hartatik, Bakeleku izeneko udalekuan parte hartzeko Zumaiako gazte boluntarioen eskutik.
“Bakeleku Udalekua 2018” proiektuari esker, udalekuan parte hartzen duten haurrek dieta orekatua izango dute udako hilabeteetan, eta zenbait osasun arazo gaindituko dituzte (anemia, desnutrizioa, diabetesa, hotzeria, etab.); halaber, defentsak indartuko dituzte basamortuko negu gogorra igarotzeko.
Azkenik, “Bakeleku Udalekua 2018” proiektuaren bidez, haur horiek sahararrek eta saharar herriak bizi duen egoeraren berri emango digute, eta kulturaren eta gatazkaren enbaxadore txiki bihurtuko dira. Udako bi hilabete horietan, kulturen arteko bizikidetza bultzatuko da, eta askatasunaren bidean aurrera doazen gure bi herrien (gurea eta saharar herria) arteko batasuna eta elkartasuna sendotuko da.