Bioaniztasunaren aldeko ekimena.

«Emprende por Biodiversidad» (ExBio) proiektuak jarraipena ematen die BIOCREATIVA ekimenei, Campus VEDI.BIO proiektuaren barnean daudenak, zeina GFAk iazko lankidetzako diru laguntzen deialdietan finantzatu baitzuen. Oraingoan, babesa eman nahi zaie bio-sormenezko ekimen horiei, hala kultur industriaren sektorean ekintzailetzako komunitate-proiektu bihur daitezen. Horren bitartez, komunitateari konponbide egingarriak eman nahi zaizkio identifikatutako ingurumen arazoei aurre egiteko; hain zuzen, mota horretako arazoen harira sortu ziren ekimenak.
Helburu horretarako, 25 pertsonako talde batek egingo du lan; horietatik gutxienez 15 emakumeak izango dira, eta, 3, genero sistema bitarrean sartzen ez direnak. BIOCREATIVA ekimenaren fase pilotuan lortutako emaitzetatik abiatuta, elkarlanean egindako gogoeta eta sorkuntza prozesu bat izango da. Prozesuan zehar, ekimenak bio-sormenezko ekintzailetza proiektu bihurtuko dira aurreinkubazio metodologia hedatu baten bidez, eta horrek onura nabarmena ekarriko die komunitateei; izan ere, kulturarako aukerak zabalduko zaizkie, eta erreminta berriak emango dizkie haien komunitateetako ingurumen arazoei aurre egiteko.