Epaiketa justu baterako eskubidea: behaketa juridiko internazionala.

Proiektu honen xedea da behaketa juridikoaren lanaren emaitzak ezagutaraztea eta presoen eta giza eskubideen defendatzaileen lana babestea. Horretarako, prestakuntza espezifikoa eta babesa emango zaie abokatu saharar eta marokoarrei, haiek baitira, trukean ordainsari ekonomikorik jaso gabe, aipatutako pertsona horiei laguntza ematen dietenak. Era berean, nazioarteko erakundeen aurrean eta gizartearen aurrean, salatu nahi dira lege prozesuak iraun bitartean izaten diren giza eskubideen urraketak; horretarako, funtsezkoa da azken urteetan Giza Eskubideen Nazioarteko Behatokiak egin duen sare lana.
Proiektuaren markoan planteatzen diren jarduerak nagusiki Marokok Mendebaldeko Saharan okupatuak dituen lurraldeetan egingo dira, baina baita Marokon ere, bertan egiten baitira giza eskubideen defendatzaile sahararren kontrako epaiketa gehienak, eta bertan baitaude, bestalde, haiek preso hartzen dituzten espetxeak. Honako auzitegi hauetan egiten dira giza eskubideen aldeko aktibista saharar gehienen aurkako epaiketak: Agadir-ko auzitegian (Maroko), Casablanca-ko auzitegian (Maroko), Rabat-eko auzitegian (Maroko), El Aaiún-eko apelazioko auzitegian (Mendebaldeko Sahara).
Eragin politikoko lana Euskadin egiten da, eta baita Genevan ere, Giza Eskubideen Kontseiluko bilkuretan zein bestelako espazioetan. Behatokia ere sare horien partaide denez, hura ere gonbidatzen da aipatutako espazioetara, hartara hark ere sare horietako bileretan parte har dezan.