Kakao finaren nekazaritza-baso sustapena, ekoizpena eta merkaturatzea.

Proiektua Napo probintzian egingo da, Ekuadorreko Amazonaseko Eskualdean.
Ekuadorreko landa eremuetan, eta, batik bat, proiektuak hartzen duen probintzian, arazo nagusietako bat da ez dagoela aukerarik baliabide naturalak era iraunkorrean erabiliz ekoizteko, eta mugatuak direla elkarte sustapenerako eta komerzializazioako mekanismoak, kakao ekoizleei laguntzen dietenak aurrerapausoak ematen nekazaritza eta abeltzaintza arloan.
Proiektuak kakaoaren inguruko ekonomia zirkuitu bat garatzen lagundu nahi du, zeina WIÑAK elkarteak antolatu baitu. Elkarte hori kakao ekoizpenean diharduten emakume indigen kitxuatarrek sortu dute Sumaco Biosfera Erreserbako moteltze eremuko komunitateetan eragiteko.