Tipi tapa bagoaz! Bizitza jasangarrietarantz.

Proiektua, nagusiki, Eibar, Tolosa, Hernani eta Donostian gauzatuko da.
Sarean aritzen diren 17 kolektiboren lanaren emaitza da, eta honako hauek izan dira kolektibo horien mugarri nagusiak: Desazkundea eta Bizitze Onaren Topaketak antolatzea 2011tik 2016ra bitartean, lehenetsitako aldarrikapenei buruzko diagnostiko kolektiboa, eta 2018ko otsailean egin zen Bizitza Jasangarriaren aldeko Herri-auzitegia. Bizitza Jasangarrirako Eskubidea, halaber, 4 eskubidez osatuta dago eta lotura zuzena dute zainketa erantzunkidearekin, ekonomia berriro kokatzearekin eta energia eta elikadura burujabetzarekin, ikuspegi feminista, desazkundekoa eta ekologista txertatuz, baita Bizitze Onaren mundu-ikuskera ere.
Testuinguru horretan, proiektu honek Bizitza Jasangarrirako Eskubidea gizarteratu eta zabaldu nahi du, eta horretarako Gipuzkoako elkarte eta erakundeen eta Desazkundearen eta Bizitze Onaren Sarearen arteko loturak indartuko ditu, politikan eragiteko lana egingo du eta gizarte kontzientzia sustatuko du, bizimodu ekitatiboa, justua eta jasangarria lortzeko aukerak ikusaraziz eta bultzatuz.