Laguntza humanitarioa el niño fenomenoak eragindako alto piura korridoreko hiru barrutiri

Proiektua Chira, Bajo Piura eta Alto Piura haranetan garatuko da, Peruko Piura eskualdean.
2017ko urtarrilaren amaieraz geroztik Perun eta, bereziki, Piura eskualdean euri jasak, ekaitz elektrikoak eta haize bortitzak ari dira gertatzen, "Kostako Niño" izena eman zaion fenomenoaren eraginez. Horren ondorioz, eskualdeak kalte handiak jasan ditu, bai egitura mailan (errepideak eta beste komunikazio bide batzuk, etxebizitzak, eskolak, osasun zentroak…) bai nekazaritza mailan, zeren eta euri bortitz horiek nekazaritza-lur eta abereentzako lur eremu zabalak suntsitu baitituzte.
Egoerari aurre egiteko, proiektu honen asmoak honakoak dira:
--Kaltetutako 150 familiaren artean (50 familia barruti bakoitzeko) etxebizitzarako oinarrizko kita banatzea, epe laburrean euriari aurre egin ahal izan diezaioten.
--Babes zibileko 6 batzorde komunal (2na barrutiko) ekipamendu eta ekipoz hornitzea, bere komunitateetan prebentzio lanak eta sortutako kalteak arintzekoak egin ahal izan ditzaten. Gainera aholkularitza eskainiko zaie, laguntzarekin batera, bai informazioa antolatzeko bai laguntza humanitarioaren banaketa hobetzeko.
--3 osasun zentro (barrutiko bana) oinarrizko medikuntzako kit batez eta fumigaziorako ekipamendu batez hornitzea, euli eta eltxoen presentziak dakartzan gaixotasunak prebenitzearren.
--Barrutiko 3 plataformak (barrutiko bana) 2.000 zakuz hornitzea, azpiegitura sozialak babesteko eta haitzarteek gainezka egitearen prebentziorako.