Emakumea ahalduntzeko garapen turistikoa Chiapas-Mexikon

“Los Altos de Chiapas” eskualdean eta zehazki Carmen Arcotete komunitate indigenan, biztanlea oso baldintza kaxkarretan bizi da, garapenerako bitartekorik zein azpiegiturarik gabe. Bertako biztanleak 129 dira, 79 emakumezko eta 50 gizonezko; horietatik 72 adingabeak dira.
Turismoa duen eta sendabelarretan aberatsa den eskualdea izaki, proiektuaren asmoa da “korridore sendagarri” bat sortzea; horretan, bertakoei zein bisitariei sendagarriak eskainiko zaizkie, bertakoen ezagutzan oinarriturik, eta komunitateko emakume indigenek garatuko dute sendabelarren inguruko jarduera praktikoa. Proiektua zabalagoa da, eta emakumeei zuzendutako prestakuntza-prozesuak ere jasotzen ditu, bai turismora (etxola turistikoak) bai "korridore sendagarrira" begira.
Emakumeak alderdi ekonomikoan, sozialean eta autoestimuaren aldetik ahalduntzearren, zenbait jarduera planteatzen dira:
-- Prestakuntza-ikastaroak zenbait espezialitatetan.
-- Etxola turistikoen eraikuntza.
-- Korridore sendagarriaren eraikuntza.