Iparralde-Hegoaldea aliantzak indartzea, giza eskubideak defendatzeko eta defendatzaileei laguntzeko

Donostiarrek konpromiso solidarioa eta koherentea hartu, garatu eta mantenduko dute giza eskubideak defendatzen dituzten pertsonak, erakundeak eta komunitateak babesteko. Interes berezia merezi dute emakumeen eskubideen defendatzaileek bizi dituzten urraketa-egoerek. Hausnarketak, esperientzia-trukeak eta elkartasunak uztartuko ditugu. Ikuspegi Lokal/Global batetik, eskubideen ikuspegi ahalik eta integralenak ezarriko ditugu: generoa, lurra eta lurraldea izateko eskubidea, informaziorako eskubidea, eskubideak defendatzeko eskubidea, sexu-aukeraketarako askatasuna eta elkartasunerako eskubidea. Giza eskubideen aldeko erakundeen laguntzarekin, nazioarteko elkartasunerako eta giza eskubideak eta defendatzaileak babesteko ekintzak abian jartzea lortuko dugu.