Suchitotoko emakume eta gazteen autonomia ekonomikoa eta eskubide guztien erabilera eta defentsa sustatuz

Suchitoto udalerrian (Cuscatlán departamendua, El Salvador), elikagai-krisia, diru-sarrerarik eza, klima-aldaketaren aurrean ahultasun handia eta emakumeen aurkako indarkeria-indize handiak dauden testuinguru batean, esku-hartze honen helburua da: i) emakumeen autonomia ekonomikoa sustatzea, haien ahalduntze indibidual eta kolektiboari ekarpenak eginez, ekonomia solidarioa, elikadura-subiranotasuna eta ekimen ekonomikoen kudeaketa agroekologikoa azpimarratuz; eta ii) gazteen eta emakumeen lidergo-ahalmena eta eragiteko ahalmena indartzea, indarkeriarik gabeko bizitzarako eskubidea, sexu-eskubideekiko eta ugalketa-eskubideekiko sentsibilizazioa eta nerabeen haurdunaldiaren prebentzioa sustatzeko. Proiektua, beraz, problematika globalei erantzutera bideratuta dago, baina baita emakumeen eta gazteen sentitutako beharrei erantzutera ere, emakume eta gizonen eskubide errealen berdintasuna duen gizarte baterantz aurrera egingo duten tokiko garapeneko estrategiekin, arrakalak hautsiz eta bereziki landa eremuko emakumeak ikusaraziz.