Belizismoaren, autoritarismoaren eta erreakzio patriarkalaren aurrean giza eskubideak defendatzeko diskurtso eta praktika feministak

Proiektuak 4 subjektu estrategikoren (giza eskubideen defendatzaileak, unibertsitatea, mugimendu feminista eta diasporak) gaitasunak indartuko ditu gatazka-egoeretan dauden emakumeen eskubideak ikuspegi feministarekin defendatzeko. Horretarako, subjektu estrategikoek: 1) gatazkei eta giza eskubideen defentsari buruzko analisi feministak egingo dituzte, Feminismoei, Gatazkei eta Giza Eskubideei buruzko Etengabeko Prestakuntzako Mintegi baten eta Defendatzaileentzako Prestakuntza Espezializatuko Ikastaro baten bitartez; 2) ezagutza kritikoa sortuko dute beren diskurtso eta praktika feministak indartzeko gaian, esperientzien 2 sistematizazio eta 13 baliabide pedagogiko eginez; eta 3) ezagutza hori gaitasun biderkatzailea duten 7 gunetan sozializatuko dute (Emakumeen Etxeak, unibertsitatea eta erakundeak).