Ondoko dokumentua idaztea eta argitaratzea: “Bilbo jasangarria: 2030 Agenda eta GHJak”

2023ko martxoaren 23a. Bilboko udaletxeko Arabiar aretoan, Bilboko alkatea buru zela, “Bilbo Jasangarria: 2030 Agenda eta GJHak” dokumentua aurkeztu zen, Bilboko uriko Garapen Jasangarrirako Helburuak (GJH) aintzat hartzeko Ekintza Plana dakarrena. 2021az geroztik, zeharkakotzat jotzen den lan horretan udal-arloek parte hartu dute, eta UN ETXEAren eta Coop & Co-ren laguntza baliatu da, “erakundeek, erakunde pribatuek eta herritarrek beraiek egunero-egunero sustatzen dituzten balioei eta GJHei lotutako ekintzak identifikatzeko, udalerri gero eta jasangarriagoa, bidezkoagoa, solidarioagoa, inklusiboagoa, anitzagoa eta askotarikoagoa izan dadin aurrera egiten laguntzen dutenak”.
GJHak Bilbon aintzat hartzeko Ekintza Planak 5 ardatz (4+1) ezarri ditu eta 17 ildo estrategiko dakartza, Udalaren Agintaldi Planean identifikatutako 136 ekintza garrantzitsu jasota eta beste erakunde batzuek aurrera egiteko garatu dituzten 85 ekintza gehituta. Dokumentuan zehazten da zergatik den estrategikoa ekintza horiek lantzea eta norekin lan egingo den planaren garapenean, eragile anitzeko aliantzaren esparrua kontuan hartzen duten ekintzak gauzatze aldera. Era berean, Eusko Jaurlaritzaren 2030 Agendarako Ekintza Planari nola laguntzen dion adierazten du.