Munduko Jendeen XV. Jaialdia Areatzako kaian

Munduko Jendearen XV. Jaialdia Areatzako kaian egin zen azaroaren 11ko eta 12ko asteburuan, "nork zaintzen ditu zaintzen dituztenak" leloaren ildoan. Jolas-giroan garatzen den sentsibilizazio proiektua da, non bertaratutako publikoak kontzertuak, munduko dantzak, erakusketak, hitzaldiak eta gastronomiaz gozatzea izan duen, baita familia osoarentzako tailerrak eta zuzeneko irratiaz ere. Jaialdi hau bakarra da Euskadin eta 2007an sortu zen, elkarrizketa eta elkarrekiko ezagutza indartzeko helburuz, modu horretan, kulturak aintzat hartzeko, errespetua eta adiskidetasuna errazteko, kulturen arteko bizikidetza sustatze aldera. Hamabosgarren edizio horretan, karpa handiak eta agertokia jarri zituzten. Gizarte-sentsibilizazioa helburu duen proiektu hau 45 elkarte baino gehiagoren artean diseinatzen eta gauzatzen da eta elkarteetako kide gehienak atzerrikoak dira jatorriz. Proiektuaren helburua da gizarteari ezagutzera ematea herritarrak inklusiboak, irekiak eta askotarikoak izateak zer nolako garrantzia duen Bilboko gizartea kohesionatzeko.
Jaialdiak tailer, sentsibilizazio-jarduera eta munduko dantza emanaldiz jositako programazioa aurkeztu zuen asteburuan. Federazioa osatzen duten elkarteek dinamizatutako ekimenak izan ziren guztiak. Azkenik, gastronomia-eremu bat ere jarri zuten, non hainbat jatorritako edari, errezeta eta jaki mota ugari dastatu ahal izan ziren.