Lankidetza-hitzarmena UN Etxearekin sentsibilizazio-jarduerak egiteko

Bilboko Udalak eta UN ETXEAk lankidetza-hitzarmena sinatu dute, honako emaitza hauek sustatzeko:
- Informazioa ematea 2030 Agendari eta GJHei eta horien mugarri nagusiei buruz, hainbat publikori egokitutako materialak eta kanpainak garatuta, Bilboko herritarrek eta gizarte-eragileek 2030 Agenda eta GJHak ezagutu eta haiekiko konpromisoa har dezaten.
- Erakunde eta eragile giltzarrien gaitasunak indartzea, prestakuntzaren eta trebakuntzaren bidez 2030 Agenda garatzeko gogozko eragile izan daitezen, pertsona eta gizarte-eragile bakoitzak bere egunerokoan GJHak txertatzeko beharrezko tresnak izan ditzan.
- Bilboko gizartean hausnarketa eta eztabaida sortzea, bidezko eta giza garapen iraunkor bidezko eta zuzenaren aldeko konpromisoari buruz. - Parte-hartze anitza eta 2030 Agendaren garapenaren gaineko eragina sustatzea, batez ere, programei lotutako jarduerk gauzatuta:
o UNESCOk antolatzen duen Elkarrizketa eta Garapenerako Kultura Aniztasunaren Munduko Eguna ospatzea, maiatzaren 21ean.
o “Eman minutu bat 2023” programa, ikus-entzunezkoen bidez, UN ETXEAK 2010. urtetik hona antolatzen duen lehiaketa, gizartea Giza Eskubideen inguruan sentsibilizatzeko eta kontzientziatzeko helburuz.