Kontzientzia ereinez

Proiektua Gipuzkoan garatuko da osorik, gehien bat Hernanin eta Donostian. Gaur egun, eredu ekonomiko eta sozial nagusiaren agortze zantzuak eta mugak gero eta nabarmenagoak dira, besteak beste: larrialdi klimatikoa, desberdintasun sozioekonomiko globala eta tokikoa, genero arrakalak, giza eskubideen urraketak eta herritarren subiranotasun gabezia. Horrek guztiak beste ekonomia bat praktikan jartzeko benetako beharra ezartzen du, jasangarritasun ekologikoa, gizarte kohesioa eta genero ikuspegia kontuan hartuko dituena eta pertsonen ongizatea erdigunean jarriko duena. Nahiz eta Ekonomia Sozial Eraldatzailea (ESE) urtetik urtera indartzen ari den Euskadin, eta ekonomiaren eredu alternatibo gisa aurkezten ari den lurraldearen eta herritarren bizitzaren garapen jasangarri eta duin baterako, ESE gehiago indartu eta ikusarazi nahi da. Horretarako, kontsumo kontziente eta eraldatzailea sustatuko da eta herritarren kontsumo ohiturak aldatzeko mapa ikusgarri bat eskainiko da. Hori dela eta, tokiko proiektu hau ekonomia sozial eraldatzailean oinarritzen da gai horiei erantzuteko, erakundeen, enpresen eta mapa zabaltzea bermatuko duten lan ildoen beharrezko parte hartzearen bidez, eta ESEri buruzko prestakuntza saioak eman eta arazoei buruzko informazio erreala eta kritikoa baliatuko dira.