IV. bizikidetza eta elkartasun programa

Proiektua hainbat lekutan garatuko da: batetik, Debagoieneko hainbat herritan (Bergara, Antzuola, Aramaio, Aretxabaleta, Arrasate, Elgeta, Eskoriatza, Leintz Gatzaga eta Oñati); bestetik, Bergarako San Martin Agirre, Aranzadi, Mariaren Lagundia eta Ipinza ikastetxeetan, eta, azkenik, Dionewar uhartean eta Senegalgo Saint Louis eta Dakar hirietan. Bergarako Senegaleko Lagunen Elkartea - Ndank Ndankek 2019an hasitako Bizikidetza eta Elkartasun programari jarraipena ematen dio proiektuak, Senegalgo eta Euskal Herriko herrien arteko lankidetza eta kulturartekotasuna sustatzeko. 2008az geroztik, Bergarako biztanleria senegaldarra handitu egin da; hala ere, Debagoieneko eta Senegalgo pertsonen arteko elkarreragina oso txikia izan da, eta bakoitza bere komunitatean bizi da, ia harremanik izan gabe. Euskal-senegaldar familia batzuk sortu arren, gehienek ez dute aktiboki parte hartzen tokiko jardueretan. Horrek, halaber, migrazio fenomenoaren ikusgarritasunean jarri du arreta, hezkuntzan ere aldaketak ekarri baititu, eta, besteak beste, segregazio egoerak eragin ditu. Bergarako Udalak gai hori lehenesten du, eta bigarren urtez jarraian 2023ko hezkuntza mahaira eraman du. Hori dela eta, bi komunitateen artean zubi bat eraikitzen jarraitzea proposatzen da, kulturartekotasunean eta baterako garapenean oinarritua; zubi horren helburua izango da elkar ezagutzea eta elkarrekin ekitea, debatarren eta senegaldarren arteko topaketak sustatuz, migrazioaren eta, bereziki, Senegalen arloko aurreiritziei buruz gogoeta egiteko.