Genero berdintasunerako tokiko mekanismoak berreskuratzea eta indartzea

Proiektua Guatemalako hego-ekialdeko Jutiapa Departamenduko 17 udalerritan garatzen ari da. Guatemalak atzerakada garrantzitsua izan du gobernuaren gaitasunean eta borondatean herritarren giza eskubideak bermatzeko eta Covid-19aren pandemiaren ondoren eta pandemiarekin batera aginpidera gobernu berria iritsi ondoren behar dituen zerbitzu publikoak emateko. Gobernu ultrakontserbadorea da, eskubideen arloan atzerakada bat dakarren politika sorta bat aplikatzen ari dena, bereziki sexu eta kultura aniztasunarekin eta lurraldearen eta baliabide naturalen defentsarekin zerikusia dutenak, gai aipaezinak baitira giza eskubideak defendatzen dituzten erakundeak jazarpen fiskal eta judizialaren bidez erreprimitzen saiatzen den gobernuburuarentzat. Testuinguru horretan areagotu egin dira parte hartzeko arrakala, genero indarkeria eta sexu eta ugalketa eskubideen urraketa, handitu egin dira haurdunen eta sexu jazarpenen ehunekoa nerabeen artean, eta gora egin du depresioak jota gertatzen diren neskatoen eta emakume helduen ehunekoak. Pandemiak eragin negatiboa izan du emakumeen eta LGTBIQ+ komunitatearen eskubideen arloan eskumena duten titularrek eskainitako zerbitzuetan, eta, beraz, garrantzitsua da berdintasunaren aldeko mekanismoak berreskuratzea eta indartzea. Hortaz, proiektuaren helburua da, alde batetik, genero berdintasuna lortzeko tokiko mekanismoak berreskuratzea eta indartzea, eta, bestetik, COVID-19aren ostean emakumeen gizarte eta ingurumen erresilientzia handitzea. Bi erakunde patzuergoan joango dira: Cooperativa Integral de Ahorro y Crédito “El Recuerdo” R.L. eta asociación de Mujeres para el Desarrollo Integral de la Región Suroriente de Guatemala. Bi erakunde patzuergoan joango dira: Cooperativa Integral de Ahorro y Crédito “El Recuerdo” R.L. eta Asociación de Mujeres para el Desarrollo Integral de la Región Suroriente de Guatemala.