Ura eta saneamendua genero ikuspegiarekin izateko eskubidea gauzatzen laguntzea

Proiektua Burkina Fasoko Erdialdeko-Mendebaldeko Eskualdeko Boulkiemdé eta Sissili probintzietan garatzen ari da. Bi probintzia horiek, batera hartuta, 1.026.156 biztanle dituzte (% 54 emakumeak, eta % 43 landa eremuetan bizi dira). Burkina Faso oso testuinguru delikatuan bizi da, eta gobernuz kanpoko talde armatuen indarkeriaren gorakadak ehunka familia beste eskualde batzuetara (besteak beste, Erdialdeko Eskualdera) lekualdatzea, ikastetxeak eta osasun zentroak ixtea eta lekualdatutako pertsonak hartzen dituzten eskualdeetako biztanleen bizi baldintzak okertzea eragin ditu. Bestalde, herrialdeko txirotasun maila handiak berekin batera dakar baliabide naturalen gaineko presio handia, biztanle gehien-gehienentzat alternatiba bakarra baitira beren oinarrizko premiak asetzeko; hala bada, klima aldaketak eraginda herrialdean gertatzen ari diren lehorte errepikakorren ondorioz, baliabide hidrikoak dira gatazka gehienak eragiten dituzten baliabideetako batzuk. Baliabide hidrikoen erabilgarritasunarekin lotutako egoera larri horri beste erronka batzuk baitzen zaizkio, hala nola ur eta saneamendu horniduraren kasuan dagoen zuzentasun eza landa eremuen eta hirialdeen artean, ikastetxeetan gaitutako ur eta saneamendu azpiegituren eskasia (komunak bi sexuek erabiltzekoak dira), eta horiek zuzeneko eragina dute neskatxen eskola uzte eta absentismo tasan eraginez eta biztanleek uraren, saneamenduaren, higienearen eta gaixotasunen arteko loturari buruz dituzten ezagutzak oso mugatuak izan daitezen eraginez. Beraz, esku hartu beharra dago, nahitaez, landa eremuko ur, saneamendu eta higiene arloetan, kontuan izanik, gainera, kaka aire zabalean egiten dutenak asko direla eta edateko ura eskuratzeko aukerak urriak direla, baita saneamendu instalazioetarako sarbideak ere. Beraz, eskola komunitatearen gainerakoentzako sarbide egokia da herritarren artean urarekiko aldaketak eta alderdi soziokultural jakin batzuk txertatzeko. Adierazitako guztian oinarrituta, proiektuaren helburua da, alde betetik, higiene eta saneamendu praktika egokietarako aldaketa iraunkorra sortzea, eta, bestetik, komunitateetan ura eskuratzeko moduak hobetzea.