Mauritaniako olagarroa eskuz arrantzatzeko irtenbide iraunkorrak III

Proiektu honek jarraipena eman nahi dio iaz Impact Hub Donostiak landutako diagnostikoari. Diagnostiko horretan arrantza aparailuen (pot-ak) ekodiseinuari lotutako jarduera ildo nagusiak planteatzen ziren, funtsezko elementua baita Mauritaniako kostaldeetan metatutako milaka kilo plastikok eragindako arazoari konponbide bat emateko. Proiektuak diagnostiko horretan du abiapuntua, eta helburua da aparailuen diseinuan ingurumen irizpideak txertatzea eta, horrela, itsas hondoko aparailu metaketarekin lotutako ingurumen inpaktuak gutxienera eramatea. Proiektuaren lehen faseak ekonomia zirkularra ahalbidetuko duten baliabide eta ahalmen endogenoak identifikatzea du helburu, eta, azterketa horren ondoren, errendimendua hobetuko da bizi zikloan zehar, eta arrantza aparailuen bizi amaierako sistema optimizatuko da.

Proiektu honen helburu orokorra da aurreko etapan ekodiseinatutako arrantza aparailuak inplementatu ondoren, Mauritaniako kostaldeko gizarte eta ingurumen inpaktuak murriztea eta, ondorioz, itsas kutsadura eta azidotzea murriztea eta arrantza sektorearen garapen iraunkorra bultzatzea, helburu hori Garapen Jasangarrirako 14. Helburuarekin uztartzen delarik.