Bizitzaren eta lurraldearen defendatzaileak: eredu berriak eraikitzeko kulturarteko elkarrizketak

Proiektua Azpeitia Deba, Mutriku eta Donostia udalerrietan garatuko da. Mesoamerika naturaren eskubideen eta gizabanakoen eta taldeen giza eskubideen urraketa egoera bati aurre egiten ari zaio. Estatuen pasibotasunak eta esku hartzeko gaitasunik ezak eragin handiko nazioz gaindiko enpresek okupatu duten botere hutsunea sortu dute. Enpresa horiek irabazi ekonomikoak sortzeko aukera aprobetxatzen dute megaproiektu energetikoak, meatzaritzakoak edo hidroelektrikoak ezarriz, eta horren truke lurrak bereganatzen dituzte, bereziki herri indigenen eta nekazarien lurraldeei eragiten baitiete, eta, pixkanaka, engainuen, derrigortzeen eta eroskeriaren bidez, beren lurrak eta ondasun komunak ebasten dizkiete. Errealitate horrek herritarren heriotzak, egozteak eta desplazamenduak eragiten ditu askotariko arrazoiengatik. Mesoamerikako emakume defendatzaileek aurre egiten diote nagusi den sistema kapitalistaren, patriarkalaren eta heteronormatiboaren mehatxuari. Mehatxu horiek zuzeneko eragina dute haien errutinetan eta testuinguruetan, baita beren bizi baldintzetan eta lurraldeetan ere. Proiektuaren helburua da Ongi Bizitzearen inguruko bizi aukera jasangarriak taldean sortzeko prozesua bultzatzea gipuzkoarren, Erdialdeko Amerikako lurraldea defendatzen duten kolektiboen eta tokiko ekintzaileen artean, giza eskubideak eta ingurumena ikuspegi feministatik defendatzen dituzten kulturarteko jakintzak berreskuratzetik eta trukatzetik abiatuta.