Gipuzkoan lurraldea eta giza eskubideak defendatzen ari diren gazteak

Proiektua Donostia, Hernani, Irun, Tolosa eta Errenteria udalerrietan garatuko da. Halere, ikuspegi internazionalista nabarmena du. Proiektu erraldoien bidez lurraldeak eta ondasun materialak eskuratzeak eta horien merkantilizazioak kolapso ekologikoa eta kapitalismo berdea eta digitala dakartza, sektoreka eta geografikoki hedatzen baita. Erasoaldi horrekin uztartzen da gobernantza ikuspegi eredu jakin bat, demokraziaren eta giza eskubideen kaltetan, eta herri gehiengoentzako eta komunitateentzako inpaktu negatibo sistematikoetan gauzatzen da, alderdi ekonomiko, ekologiko, politiko eta soziokulturalei dagokienez, betiere klase, genero eta etnia/arraza asimetriek zeharkaturik. Kolonbia eta Erdialdeko Amerika dira adierazitakoaren eredu paradigmatikoak: nazioz gaindiko enpresek berenganatzeko borrokan ari diren lurraldeak dira, aberastasun natural handikoak, non zigorgabetasun korporatiboa nabarmena den. Horren aurrean, emakume defendatzaileek, herriek eta gizarte mugimenduek erresistentziarako estrategiak lantzen jarraitzen dute, eta arautzeko proposamenak egin eta defendatzaileak babesteko dinamikak bultzatzen dituzte askotariko aliantzen bidez, tokian tokikotik hasita orokorreraino. Proiektuaren helburua da Gipuzkoako gazte eta migratzaile/erbesteratuen eta Kolonbiako, Palestinako eta Erdialdeko Amerikako defendatzaileen erresilientzian sakontzea, erresistentziarako analisi kritikoa egiteko gaitasun kolektiboak sendotuz, enpresak arautuz eta proiektu erraldoien aurrean babesteko alternatibak eraikiz.