Euskal eta Guatemalako giza eskubideen emakume defendatzaileek beren lana Gipuzkoako gizartera hurbiltzen dute

Proiektua Donostia, Irun eta Andoain udalerrietan garatuko da. Giza Eskubideen defendatzaileak gizarte orotan daude, ez soilik gatazkan edo gatazka osteko egoeran bizi diren edo demokrazia ahula duten gizarteetan. Gizarte orok ditu beharrezko defendatzaileak demokraziak eta bake idealak aurrera eramateko, dagoeneko aitortuta dauden Giza Eskubideak errespetarazteko eta premia berriei erantzuten dieten eta giza duintasuna ulertzeko beste modu batzuk islatzen dituzten beste eskubide batzuen alde borrokatzeko eta horiek txertatzeko . Borrokak askotarikoak badira ere, proiektu honek lau defentsa ardatz nagusiri heltzen die. Hasteko, ingurumen defendatzaileek nazioz gaindiko enpresek sistematikoki urratzen dituzten eskubideen alde egiten dute, ondasun komunak eta natura borrokatzen baitira. Defendatzaile bakezaleek, beren aldetik, bizitzeko eskubidea leku nagusian jartzeko lan egiten dute, eta Giza Eskubideekiko errespetua defendatzen dute eguneroko bizikidetzarako oinarritzat harturik. Hirugarrenik, LGTBI+ kolektiboaren defentsa: aurrerapauso historikoak egin diren arren, oraindik ere beharrezkoa da defentsa hori, LGTBIfobia gorroto modurik hedatuenetakoa baita eta 70 herrialde baino gehiagotako zigor kodeetan instituzionalizatuta baitago. Azkenik, defendatzaile feministak daude, horiek ere beharrezkoak direlarik, emakumeen eskubideak sarri askotan konkistatuta daudela dirudien arren, edozein krisialdi ekonomikok, politikok edo erlijiosok zalantzan jartzen baititu eskubide horiek. Proiektuaren helburua da Gipuzkoako herritarrak jakinaren gainean jartzea eta kontzientziatzea Giza Eskubideen defentsan ari diren emakumeen lanari dagokionez ikuspegi feminista globaletik eta tokikotik.