Kontsumo arduratsu, kritiko, eraldatzaile eta feminista eredu baterantz eraldatuz

Proiektua Debabarreneko eskualdean eta Eibar, Irun, Tolosa eta Donostia udalerrietan garatuko da. Gaur egungo testuinguru globalean, ukaezina da gizarte desberdintasunak, genero desberdintasunak eta ingurumen arloko justiziarik ezak gatazka iturri izaten jarraituko dutela urte askoan. Horiek Iparralde Globaleko gizarteetan gaur egun nagusi diren ekoizpen eta/edo kontsumo ereduen ondorio dira, eta zuzeneko eragina dute herrialde txirotuenetan, klima aldatzen laguntzen dute eta emakumeen lan ikusezinaren eta gaizki ordainduaren onuradun dira. Horregatik, ingurumenaren iraunkortasunaren, kulturartekotasunaren eta genero berdintasunaren aldeko borrokak lehentasunezko apustua izan behar du gizarteko eragile guztien aldetik. Proiektuaren helburua da aldaketa sortzea ekoizpen eta kontsumo eredu arduratsu, kritiko, eraldatzaile eta feminista baterantz egiteko, mendebaldeko praktiken eta herri txirotuetan dituzten zuzeneko eraginen arteko loturari erantzunez, herritarren banakako hausnarketa, taldekako ikaskuntza prozesuak, trebakuntza eta erakunde aliatuekin eta ikastetxeekin sarean lan egitea indartuz, Debabarrena eskualdean mobilizazioak, ekintzak eta bestelakoak eginez.