Lan duinera eta bidezko merkataritzara igaroz, 2030eko Agendarako bidean

Proiektua Donostia, Irun, Zarautz, Arrasate, Eibar, Zumarraga, Tolosa eta Hernani udalerrietan eramango da burura. Balio kate globalak (BKG) konplexuak dira, askotarikoak, oso zatituta daude eta, ondorioz, lanaren nazioarteko banaketa eta banaketa sexuala nagusitzen dira. Oro har, sistema neoliberalaren eta heteropatriarkalaren garapenari erantzuten diote, eta testuinguru horretan agerian geratzen dira era guztietako gabeziak maila guztietan, lan duinari, Ekonomia Sozialari eta Solidarioari eta bidezko merkataritzari dagokienez. Halaber, debaluatu egiten dira Lan Eskubideak, hala nola askatasun sindikala eta negoziazio kolektiboa, sistematikoki, eta emakumeak eta LGTBI+ kolektiboko pertsonak eten gabeko bazterkeria eta diskriminazio egoeretara zigortzen dituzte, bazterreko lanetara eta informaltasun maila handiko lan gainkarga handietara behartuz. Proiektuaren helburua da, bidezko merkataritzari, Garapen Jasangarrirako Helburuei eta 2030 Agendari dagokienez, gaur egungo eredu nagusia zalantzan jarriko duen ezagutza kolektiboa sorrarazteko eta LGTBI+ kolektiboaren eta emakumeen Lan Eskubideak babesteko hausnarketa kritikoa sustatuko duen prozesu bat burura eramatea, tokikoa eta globala uztarturik.