Mendialdeko indigenen hondamendi osteko suspertzea

Proposamen hau Monte Alegre komunitatearekin (Me`phaa etniako 425 lagunek osatua) garatuko da Montaña de Guerrero eskualdean, zehazki Malinaltepec udalerrian. Mexiko desberdintasun ekonomikoek eta sozialek markatutako herrialdea da, eta desberdintasun horiek bereziki eragiten diete biztanleriaren % 13 hartzen duten nekazariei eta komunitate indigenari. Me`phaa etnia bizi da Montaña de Guerrero eskualdean, eta han gero eta lur irristatze gehiago gertatzen dira faktore askoren ondorioz: zuhaitzen mozketa, agrokimikoen erabilera masiboa, botatzeko eta erretzeko praktika, lurra higatzen duten laboreak, lurrak abandonatzea eta ezagutzen galera dakarren gizarte ehunaren haustura. Gainera, eskualde honetan ugari izaten dira lurrikarak (herrialdeko lurrikara gehienak bertan izaten dira) eta atmosfera nahasmendu larriak (2022ko urakanek higadura eta uholdeak eragin zituzten, eta lur irristatzeak eragiteaz gain, labore sailak urpean utzi zituzten euriteek). Udalerriko biztanleen % 97,6 oinarrizko zerbitzurik ez duten etxeetan bizi dira, eta etxe horiek lurrikarek eragindako pitzadurak dituzte. Programa publikoek ez diote egoera mota horri erantzuten, eta, ondorioz, herritarren arrisku maila handiagoa da urtetik urtera. Beraz, proposamen honen xedea da hondamendi osteko susperraldia eta Montaña de Guerrero eskualdeko biztanle indigenen prebentzio gaitasuna indartzea, emakumeengan arreta berezia jarriz.