Unibertsitate-komunitate kritikoa indartuz indarkeria matxisten aurrean

Donostiako unibertsitate-publikoa bereziki kontzientziatzeko eta inplikatzeko asmoz, munduko emakume guztien sexu- eta ugalketa-eskubideen eta indarkeriarik gabeko bizitza izateko eskubidearen aldeko borrokan, proiektu honek honako ekintza hauek aurreikusten ditu:

- "Sexualitateari, maitasun erromantikoaren eraikuntzari eta emakumeen gorputzen gaineko menderatze-sistemen arteko harremanari" buruzko zazpi mintegi egitea, guztira, UPV/EHUko Psikologia Fakultatean, eta Hezkuntza, Filosofia eta Antropologia Fakultateko (HEFA) Gizarte Antropologiako eta Haur Hezkuntzako eta Lehen Hezkuntzako graduetan. Mintegi horiek fakultate bakoitzeko irakasleen eskola-orduen barruan egingo dira, fakultatearekin koordinazio estuan.
- UPV/EHUko Psikologia Fakultateko bi ikasle 2022-2023 ikasturtean hautatuko dira Nikaraguan indarkeriarik gabeko bizitza izateko eskubidearen aldeko borrokaren esparruan praktikak egiteko, "Xochitl Acatl" erakunde feministarekin.
- Azkenik, indarkeria matxistarik gabeko bizitzaren eta ingurumenaren babesaren aldeko borroken garrantzia eta elkarrekiko harremana ikusarazten eta kontzientziatzen lagunduko diguten tresnak sortzeko, podcast batzuk sortu eta sozializatuko dira unibertsitate-komunitatean, Hego Globako emakume defendatzaileen kasu enblematikoetan oinarrituta.