Mendebaldeko Saharan gertatzen ari diren Giza Eskubideen urraketen (bereziki emakumeen kasuak), ikerketa eta inzidentzia

Saharako gizarte zibileko erakundeen Txosten Alternatiboa, Marokori egingo zaion azterketa periodiko unibertsalaren (EPU) (2022) harira Nazio Batuen Giza Eskubideen Kontseiluari zuzendua; erakunde politikoen eta giza eskubideen erakundeen aurrean Txosten Alternatiboa eta intzidentzia-ekintzak aurkeztea; Marokok Nazio Batuen Erakundeko Giza Eskubideen Kontseiluaren aurrean egindako emakume sahararren giza eskubideen urraketei buruzko txostena aurkeztea, Genevan. Madrilgo eta Euskadiko instantzia politikoen aurreko intzidentzia-ekintzak; Giza Eskubideetako eragileen arteko prestakuntza, eztabaida eta koordinaziorako 4. topaketa, giza eskubideen arloan eragina izateko lehentasunezko gaiei buruz; Hegoak saharar biztanleriaren giza eskubideen urraketei buruz egindako ikerketen aurkikuntza nagusiak sozializatzea Euskadin bizi diren sahararrekin, emakumeen egoera espezifikoaren ikusgarritasuna azpimarratuz; Saharako biktimak laguntzea.
Desagertze behartuen eremuan, datu-base bat eguneratuko da. AFAPREDESA erakundeak kudeatzen du datu-base hori, saharar errefuxiatuen kanpamenduetan. Sortzen den informazio berria Mendebaldeko Saharan urratutako giza eskubideen Infografian irauliko da.
Marokoren indarkeria politikoaren biktimei eta biktimen senideei laguntza eta aholkularitza juridikoa emateko, gune egonkor bat jarriko da abian El Aaiun okupatuan. ASVDH erakundeak kudeatuko du.
Ekintza horiek iraungo dutela ziurtatzeko, atxiloketa arbitrarioen eta desagerketa behartuen gaineko prestakuntza emango zaie ASVDH, CODESA eta AFAPREDESA erakundeei, giza eskubideen urraketa-kasuak dokumentatzeko, sistematizatzeko eta salatzeko gaitasunak indar ditzaten.
Interbentzioa egiteko, Carlos Martín Beristainen eta gaian adituak diren espezialisten lantalde baten aholkularitza dugu.