Behin batean ekonomia zirkularra.

Proiektuak Donostian du operazio basea, baina Gipuzkoa osoan aplikatuko da.
Ingurumena zaintzearen eta mundu mailako krisi egoeraren aurrean premiazko neurriak hartu behar direla ikusita, balioetan oinarritutako hezkuntza da gakoa. Datozen hamarkadetan lurreko bizitza mantendu nahi bada, funtsezkoak izango dira ingurumenaren jasangarritasuna, lehengaien jatorriaren inguruan kontzientziazioa eta lehengai horien eraldaketa, pertsonen eta gizarte eragileen arteko elkarlana, genero berdintasuna eta giza eskubideekiko errespetua.
Proiektu hau garatzeko gakoetako bat da familiekin, eta, bereziki, haurrekin lan egitea, ulertuz haiek direla aldaketarako eragileak, gure gizarteari eutsiko dieten zimenduak. Horretarako, beste funtsezko gakoetako bat da Günter Pauli autorearen alegietan oinarritzea, pedagogiarako tresna erabilgarri eta inspiratzaileak baitira haur, gazte, guraso, irakasle eta beste edonorentzat, betiere interesa duena berrikuntza, iraunkortasuna, ekologia eta enpresaren gizarte erantzukizuna garatzean era dibertigarri, oso eta pedagogikoki egokian.
Testuinguru hori kontuan izanda, proiektuak gipuzkoarren balio eta ekintzen eraldaketa sustatu nahi du, kontzientzia zabalduz ingurumena zaintzearen eta kontsumo arduratsuaren inguruan, ekonomia zirkularraren bitartez.