Emakumeen nekazari gaitasunak sendotzea (El Salvador)

Proiektua El Salvadorko Santa Ana, Sonsonate, La Libertad eta La Paz departamenduetako 12 herri/komunitatetan garatuko da.
El Salvadorko emakume nekazariek sistema patriarkal eta matxistak eragindako kalteberatasunak pairatzen dituzte, eta sistema hori oso errotuta dago proiektua landu nahi den herrietan. Emakumeen oinarrizko eskubideak urratzen dira, emakumeei genero rolak esleitzen dizkieten eta emakumeen ikusezintasuna bultzatzen duten ereduek mugatzen baitute gizartea.
Ekimen honen bitartez aurrerapausoak eman nahi dira La Via Campesina mugimenduan antolatuta dauden emakume nekazarien autonomia ekonomikoa, ahalduntze soziopolitikoa eta eskubideen defentsa sustatzeko.