Emakume eta gazteentzako garapen jasangarria eta eskubideak (El Salvador).

El Salvadorko Errepublikak, Erdialdeko Amerikan kokatuta dagoenak, 21.040,79 km2 ditu, hau da, eskualde horretako herrialderik txikiena da eta Amerika kontinental osoko jendetsuena. Banaketa administratiboa eta lurralde banaketa bat datoz, hala, 14 departamendu daude, 4 zonatan bilduta daudenak administrazio politikoari begira. Maila lokalean, banaketa administratiboa udal kontzejuen bitartez gauzatzen da, guztira 262 udalerri.
Proiektua Cuscatlán departamenduan garatuko da, 756,19 km2 ditu, eta horietatik 749,71 km2 landa eremukoak dira eta 6,48 km2 hiri eremukoak; eta guztira 16 udalerri ditu.
Esku hartze honekin hainbat arazo konpondu nahi dira: zailtasun ekonomikoak, sozialak eta ingurumen alorrekoak, eta, elikagaien burujabetza galtzearen ondorioz, emakumeek eta gazteek sexu eta ugalketa eskubideak gauzatzeko dituzten arazoak; ekonomia kapitalista bati erantzuten dioten kontsumo ohiturak eta etxeko lanak ikusezin bihurtzea, aintzat ez hartzea eta erantzunkidetasun falta; emakumeen eta gazteen ekimen ekonomikoek gizarte, ingurumen eta ekonomia arloko jasangarritasunik ez izatea; eta nerabeen haurdunaldiaren arazoa naturalizatzea.
Proposamenaren bidez bultzatu nahi da emakumeen eta gazteen eskubide ekonomikoen eta sexu eta ugalketa alorreko eskubideen bermea.