Baloreak ikasten kirolaren bidez, Ahuachapán herrian gazte indarkeria prebenitzeko estrategia. II. Fasea

Hitzarmen honen helburua Gipuzkoako Foru Aldundiaren eta Real Sociedad Fundazioaren arten lankidetza-esparrua finkatzea da, “Kirolaren bitartez balioak ikasten, gazteen indarkeriaren prebentziorako estrategia Ahuachapango udalerrian” ekimena abian jartzeko.
1. Balioetan sentsibilizatzea Ahuachapango udalerriko ikastetxeetako ikasleak, Kiroleko Joko Garbiaren bitartez.
1.1. “Joko Garbia Kirolean Ahuachapango hezkuntza sisteman” kanpainaren dekalogoa zabaltzea, materialak, ikus-entzunezkoak eta goi mailako kirolarien azalpen eta iruzkinak baliatuta.
1.2. “Joko garbiari” dagokionez eta kirol praktikara begira garapen zintzo, eskuzabal eta altruistak duen garrantzia azpimarratzea.
1.3. Kiroleko giza eta gizarte balioak bereganatzea eguneroko bizimoduko zertzeladetara, motibazio pertsonalera, talde lanera eta abarretara eramatea.
1.4. Gazteenek bere aisialdia jarduera fisikoarekin eta kirolekin bete dezatela bultzatzea.
1.5. Aukera berriak erakustea jolasaren, jarduera fisiko eta kirolekoen eta laket jardueren bitartez.

2. Kiroleko joko garbirako programa inplementatzea Ahuachapango udalerrian bortizkeria gehien dagoen komunitateetan.
2.1. Ahuachapango udalerriko 15 eta 24 urte bitarteko gazteak sentsibilizatzea eta kontzientziatzea Joko Garbiaren balioetan, balio horiek kirol diziplinen praktikan txertatuta. Partaidetza-metodologietarako 10 lantegi jasoko dituzte, Dekalogoko arauko bana alegia, horretarako prestatutako Unitate Didaktikoa oinarri harturik. Kantonamendu bakoitzetik iritsitako kirol ahalbidetzaileek emango dituzte lantegiak, prestatuta eta hornituta egongo baitira lan hori egiteko, Ahuachapango Udalerriko Alkatetzako Hezkuntza Fisikoko profesional baten ikuskaritzapean betiere.
2.2. “Joko garbia kirolean” udal txapelketa bat antolatzea, gizonen eta emakumeen partaidetza sustatuta.
2.3. Kiroleko Joko Garbiari Urteko Saria sustatzea, kirol praktikan zintzotasun, altruismo, eskuzabaltasun eta aurkariarekiko errespetuzko jarreraz nabarmentzen diren ekintzak saritzeko eta kirolaren bitartez hezkuntza osoko edo integrala bultzatzeko.