Errefuxiatuei buruzko estereotipo kulturalak eta generokoak desegiten.

Proiektua Elgoibar, Hondarribi, Irun, Errenteria, Donostia, Arrasate, Astigarraga eta Zumaian gauzatuko da. Ekialde Ertaineko errefuxiatutzat jotzen ditugu Jordania, Libano, Siria eta Palestinako lurralde okupatuan dauden Siriako eta Palestinako iheslariak. Israelek duela 50 urte Palestinako lurraldea okupatu izanak eragindako babes kronikoko krisia krisi humanitarioa dela kontuan izanda, egoera benetan larriagotzen dute, batetik, Gazako Zerrendaren 11 urteko blokeoak (orain eskualde mailako neurriak hartzen ari den Siriako gatazkaren ondorioz areagotu dena, eta Sirian dauden 438.000 errefuxiatu palestinarrei ere eragiten diena), eta, bestetik, AEBko gobernuak 2017an iragarritako funtsen blokeoak.
Gaur egun, Palestinako populazioa da erbestean denbora gehien daraman populazio multzoa, eta errefuxiatuen kopurua nabarmen hazi da, hain zuen ere errefuxiatu palestinarrak munduko errefuxiatu guztien laurden bat dira. Alabaina, gutxitu egin da Palestinako arazoari, oro har, eta errefuxiatuen egoerari, bereziki, eskainitako arreta. Gainera, euskaldun gehienek ez dute Palestinaren eta Israelen arteko gatazkaren sorburuaren eta ondorioen berri, eta ez dakite gatazka horretan zein zeregin eta aldarrikapen dituzten emakumeek. Egoera hori hobetzeko, metodo berritzaileak eta elkarreragileak erabiltzeko premia antzeman da gizarte eraldaketarako hezkuntza jardueretan.
Hori kontuan hartuta, proiektu honen bidez Gipuzkoako 8 udalerritan, gutxienez, gazte informatuak eta sentsibilizatuak sustatu nahi dira, Ekialde Ertaineko eta Palestinako errefuxiatuei buruzko estereotipo kulturalak eta generokoak desegiteko gai izango direnak.