LGTBIQA aniztasun leihoa.

Proiektua Bilbon, Donostian, Wellingtonen eta Genevan garatuko da.
2013az geroztik, UNESCO Etxea eta Ventana a la Diversidad sorkuntza plataforma elkarlanean ari dira munduko gazteak artearen bidez konektatzeko ekintzak garatzen. Ekintza horietan parte hartu dute LGTBIQA kolektiboetako pertsonek, eta beren arazoak eta kezkak azaldu dituzte proiektu hau zehazteko. LGTBIQA kolektiboaren eskubideak legez aitortzeko esparru juridiko bat eratzen ari bada ere, errealitateak erakusten du oraindik ere badirela hainbat esparru non LGTBIQA pertsonen eskubideak praktikan urrituta dauden eta aurreiritziak eta irainak jasotzen dituzten maila askotan. Gainera, LGTBIQA kolektiboetan ere, badira jarrera patriarkalak, eta ondorioz errepikatu egiten dituzte gizarteko talde guztietan dauden matxismoa, arrazakeria, gizarte pribilegioak eta berdintasunik gabeko aginte jokoak.
Testuinguru hori kontuan hartuta, metodologia sortzailea, kulturartekoa eta feminista proposatzen du proiektuak, Ventana a la Diversidad Topaketaren bitartez, LGTBIQA kolektiboen barruan feminitate eta maskulinitate aukera ezberdinak eskaintzeko, kolektibo horien arazoak salatzeko, eta genero sistemaren arautik baztertutako pertsona horien egunerokotasuna ikusarazteko.