Sexualitatea, generoa eta garapena

Proiektua EHUren Donostiako Unibertsitate Campusean garatuko da (Erizaintza Eskola, Psikologia Fakultatea, Hezkuntza eta Filosofia Fakultatea). Sexu eta Ugalketa Eskubideen arloan praktikak egingo dira Perun (Ayacucho eta Ucayali).
Proiektuaren asmoa Gipuzkoako biztanleria unibertsitario eta gaztearengan kontzientzia sozial kritikoa sustatzen laguntzea da, horrela munduko emakume guztientzat Sexu eta Ugalketa Eskubideen arloan jardute berdintasunezkoa eta indarkeriarik gabeko bizitza libre baterako eskubidea sustatzearren, egiturazko arrazoiak zalantzan jartzetik eta lokalaren eta globalaren arteko loturatik abiatuta. Estrategiak eta ekintza nagusiak:

-- R1.- Gipuzkoako unibertsitateko ikasleak Sexu eta Ugalketa Eskubideen eta horiek Giza Garapen Jasangarriarekin duten harreman zuzenaren inguruko funtsezko nozioetan prestatzea, sistemaren egiturazko arrazoiak eta genero-desberdintasuna zalantzan jartzetik abiatuta, horiexek baitira aipatu eskubideak erabiltzeko oztopo nagusia: (i) “Sexualitatea, generoa eta garapena” izeneko XVIII. eta XIX. ikastaroak egitea, EHUko Erizaintza Eskolak eta Manuela Ramos Mugimenduak antolatuta. 2017-2018 eta 2018-2019 ikasturteak, hurrenez hurren: (ii) Ikastaroaren ebaluazioa eta jarraipena.

--R2.- Unibertsitateko emakumezko 8 ikasle praktiketan prestatzea, Sexu eta Ugalketa Eskubideen aldeko analisi teoriko eta praktikoetarako tresnaz hornitzearren, Peruko erakunde feminista baten (Manuela Ramos) lanean partaidetza izanik: (i) 8 ikasleak “Sexualitatea, generoa eta garapena” izeneko XVIII. eta XIX. ikastaroan parte hartzen dutenen artetik aukeratzea, 4 pertsona zehazki edizioko; (ii) pertsona aukeratuei 2 prestakuntza-modulu ematea, tokiko bertako kooperaziorako printzipioei buruz; (iii) praktikak egiteko hitzarmena sinatzea Erizaintza Eskolaren (erizaintzako ikasleen kasuan), Manuela Ramos-en, praktiketan ari diren ikasleen eta Medicus Mundi Gipuzkoaren artean; (iv) Peruko praktikak egitea; (v) praktiken ebaluazio eta jarraipena.

--R3.- EHUko Psikologia Fakultateko eta Hezkuntza, Filosofia eta Antropologia Fakultateko ikasleen ezagutzak sendotzea, sexualitateari eta ideal erromantikoari dagokienez, eta estrategiak eta tresnak identifikatzea ikuspegi global batetik ideal horien eraldaketa sozialerako: (i) edukiak eta metodologiak Lahia Nahia Sexologia Elkarte, FARAPI eta Garaipen-ekin koordinatzea, gaiari buruzko mintegiak egiteko; (ii) EHUko fakultateetako irakasleekin koordinatzea; (iii) “Sexualitatea eta maitasun erromantikoa des-eraikitzen, ikuspegi globaletik” mintegiak egitea; (iv) mintegiak ebaluatzea.

-- R4.- Gipuzkoako gazteria kontzientziatzea eta emakumeen Sexu eta Ugalketa Eskubideen eta indarkeriarik gabeko bizitzarako eskubidearen alde mobiliza dadin sustatzea, emakumezko korrikalari batzuek LILATON 2018 eta LILATON 2019an izango duten parte hartzearen bidez: (i) Donostiako Zero Pobrezia Plataformarekin koordinatzea, LILATONeko taldearen leloaren argudioa partekatzeko; (ii) LILATON 2018 eta 2019 taldearen zabalkundea; (iii) elastiko Ekologikoak eta Bidezko Merkataritzakoak banatzea, Sexu eta Ugalketa Eskubideei buruzko leloarekin; (iv) LILATON 2018 eta 2019 egitea.