Ongi bizitzeko eraikuntza ekofeminismoaren eta naturaren eskubideen bidez

Proiektu honen xedea da trukerako, gaitzeko, salaketarako eta eragina izateko emakumeen arteko guneak sortzea, batez ere Ekuadorren.
Ongi bizitzearen kontzeptua landu nahi da, naturaren eskubideen eta herrien eskubide kolektiboen ikuspegitik; horretarako, batez ere, ingurumena zaintzeko ekintza komunitarioak egingo dira meatze erauzketako jardueren mehatxupean dauden emakumeekin.
Ikuspegi ekofeminista batetik lan egingo da, lurraldeetan gertatzen ari denari buruzko informazioa eman ahal izateko, nekazarien eta indigenen komunitateei erauzketa jarduerei aurre egiteko tresnak emateko, eta emakumeek erauzketa testuinguruetan bizi dituzten egoerak ezagutarazteko, haiek komunitateen baitan eta erauzketa industriaren aurrean duten posizioa sendotze aldera.
Aurkeztutako proposamenak, halaber, emakumeak eta Emakumeen Latinoamerikako Sareko kide diren erakundeen arteko loturak sendotu nahi ditu, batera lan egin dezaten emakumeek erauzketa jardueren ondorioz bizi dituzten egoerak ikusarazteko.