Black Friday Bidezko Merkataritzaren aldeko kanpaina

Azaroaren azken astean, Black Friday egunaren ostean, "Eguneko une bakoitzerako Bidezko Merkataritzako produktu bat dago" izeneko kanpaina antolatu zen bidezko merkataritzari buruzko Bilbobusetako markesinen panel digitaletan. Bidezko Merkataritzako Estatuko Koordinakundeak taxutu zuen kanpaina, diseinua eta hizkuntza udal euskarrietara egokituz. Bidezko Merkataritzako Estatuko Koordinakundea Espainiako plataforma da, eta Bidezko Merkataritzan lan egiten duten 30 erakunde biltzen ditu. Plataforma horren helburua ekonomia solidarioaren sektore hori indartzea da, planetan pobretutako komunitateak garatzen laguntzen baitu.

Kanpainaren helburua Bilboko herritarrak bidezko merkataritzari buruz sentsibilizatzea izan zen, Black Friday bezalako kontsumismo-egun garrantzitsuan, baita Gabonetan ere, alde batetik, kontsumo kontzienteagoa bultzatzeko eta, bestetik, kontsumo-jarraibideak produktu jasangarriagoetarantz bideratzeko, ingurumenari, gizarteari eta etikari dagokienez.