Bidezko Merkataritzaren Nazioarteko Egunaren ospakizuna

Maiatzaren 8ko arratsaldean (osteguna), sentsibilizazio-jardunaldi bat antolatu zen Done Petri plazan, informazioa emateko eta kontsumo arduratsu eta jasangarriko produktuak saltzeko standekin, mundu osoko eta bidezko merkataritzako joko-jolasekin eta "Ahaldunduak: Bidezko Merkataritzako emakumeak" erakusketarekin. "Bidezko Merkataritzako produktu bat dago eguneko une bakoitzerako” lelopean, ekimenak aldarrikatzen du bidezko merkataritzako kafe, kakao, azukre, te edo arropa abusuzko lan-baldintzen aurka borrokatzen direla eta ingurumena errespetatzen dutela. “Ahaldunduak: Bidezko Merkataritzako emakumeak” erakusketa gaztelaniazko eta euskarazko 22 panelek osatzen dute, Indian, Nikaraguan eta Marokon bidezko merkataritzaren estandarren pean lan egiten duten emakumeen bizipenak azaltzeko. Bilboko Bidezko Merkataritza Taldea honako elkarte hauek osatzen dute: Proclade-Yanapay, Adeco elkartea, Setem Hego Haizea, Oxfam Intermon eta Kidenda.

Bidezko Merkataritzaren Munduko Egunean herritarrei gogorarazi nahi izan zitzaien eguneroko kontsumoaren bidez pobreziaren, desberdintasunaren eta larrialdi klimatikoaren aurka borrokatzen lagun dezakeela. Egunean zehar, goizetik gauera arte, Bidezko Merkataritzako produktuak aukeratu daitezke, horiek elaboratzen dituztenentzat onuragarriak direnak, lan-eskubideak eta giza eskubideak errespetatzen dituztelako eta ingurumenarentzat ere positiboak direlako, haien ekoizpenak ingurune naturala errespetatzen duelako.