Euskal lankidetzaren estrategiak indarkerien aurrean' jardunaldia

Bilboko Udalak, Proclade-Yanapay, Munduko Medikuak, medicusmundi Bizkaia eta UNRWA Euskadirekin batera, «Euskal lankidetzaren estrategiak indarkerien aurrean. Honduras, Senegal, Guatemala eta Palestinako ahotsak» jardunaldia antolatu zuen. Oinarrizko eskubideak urratzen dituzten eta giza duintasuna higatzen duten hainbat indarkeria-mota dauden mundu honetan, elkarrizketa baten bidez, lau adierazpen bereziki larri eta urgenteei heldu zitzaizkien: emakumeen aurkako indarkeriari, LGTBI fobiari, pertsonen salerosketari eta Gazako genozidioari. Indarkeria horiek, mota desberdinekoak izan arren, bazterketa, beldurra eta inpunitatea betikotzen dituzten egiturazko sustraiak eta botere-dinamikak partekatzen dituzte.

Jardunaldi hori 2025eko urriaren 6an (astelehena) izan zen, Bilborock aretoan, urriaren 7ko urteurrenaren bezperan; hain zuzen ere, egun horrek inflexio-puntu bat markatu zuen Palestinako herriak bizi duen tragedian. Topaketa amaitzeko, SOL Band taldearen emanaldia egon zen, minaren erdian ere irauten duen eta loratzen den kultur adierazpen bizia. SOL Band Gazako musika-talde bat da, folk palestinarra eta pop garaikidea fusionatzen dituena.