Lankidetza Saharako errefuxiatuen kanpamentuko Mahbeseko kontsultategiarekin

Mahbeseko Kontsultategia Smarako Wilayan dagoen osasun-zentro bat da. Honako hauek ditu: erditze-gela bat eta aurreerditze-gela bat, kontsulta-gela bat, sendaketa-gela bat eta Pisis, administrazioa, farmazia, bi bainugela eta bateria-gela bat. Hemendik, wilaya osoaren ama-haurrentzako programa burutzen dute. Pisis programa haur osasuntsuaren programa da, desnutrizioa duten haurrak detektatzeko. 4 tailer dituzte martxan, amak seme-alaben hazkuntzan hezteko. Emakume bakoitzaren historia jasotzen duen fitxa bat jarri dute martxan, jarraipena errazteko.Kasu posible guztiak artatzen dituzte, eta, zailtzen denean, emakumeak Rabunira eramaten dituzte, eskualdekotik igaro gabe.Halaber, gaixotasun kronikoak artatzen dituzte egunero (hipertentsioa, asma, apilepsia, diabetesa). Langileak 14 pertsona dira, guztiak emakumeak (2 emagin, farmaziako arduradun bat eta, gainerakoak, laguntzaileak).